"Жеті атасын білген ұл, жеті жұрттың қамын жер", "Ертегі танымының көзі"

Амантай Дәулетбеков атындағы орта мектебінде «Ата-аналарды педагогикалық қолдау» орталығы жанынан  «Ата өсиеті», «Әже даналығы», «Аға қамқорлығы», «Жеңге кеңесі» сынды клубы ұйымдастырылып,  құрылды. Бұл жұмыстар оқу жылының соңына дейін жоспарға сәйкес  өткізіледі.

     Осы орайда директордың тәрбие ісі жөніндегі орынбасары Д.Джумагулованың ұйымдастыруымен  «Даналық мектебі» өз жұмысын бастады.

      Ұлттық құндылықтар: ұлттық мұраға ұқыпты қарау, қазақ тілінің қолдану аясын кеңейту, ұлттық мәдениетті дәріптеу мақсатында   Даналық мектебінің жанынан ашылған "Ата өсиеті"  клубының жетекшісі: Ғ.Байболатов "Жеті атасын білген ұл, жеті жұрттың қамын жер" тақырыбында және "Әже даналығы" клубының жетекшісі Г.Альменова "Ертегі танымының көзі" тақырыптарында кездесу сабақтарын өткізді.

    Сабаққа қатысқан әрбір ата-аналар ұлттық құндылығымызды бойына сіңіріп,  ұрпақ тәрбиесіне аса мән беру керек екенін түсініп, өз ой- пікірлерін ортаға салды. Жетекшілерге өз алғыстарын білдірді.