"Жас ұлан" ұйымына өтуі

Амантай Дәулетбеков атындағы орта мектебінде Қазақстан Республикасы  Елбасының "Елдіктің жеті тұғыры" атты қағидаттар жиынтығы аясында Қазақстан Тәуелсіздігіне 30 жыл,  "Жас Ұлан" ұйымына 10 жыл толуына орай, "Ұлы елдің Ұландары" атты "Жас Ұлан" балалар мен жасөспірімдер ұйымына қабылдау салтанатты рәсімі өткізілді.  Мектебіміздің озат және екпінділерінен Ант қабылданып, Талас аудандық "Жас ұлан" балалар мен жасөспірімдер ұйымының үйлестірушісі- Тазабек Мадина Дәнебекқызы және мектеп әкімшілігі, ұлағатты ұстаздарымыздың қатысуымен Қазақстанның туы түстес көгілдір галстугі оқушыларымызға табыс етілді. Жас Ұлан бірыңғай балалар мен жасөспірімдер қатарына 23 оқушы қабылданды. Елбасының "Елдіктің жеті тұғыры" атты қағидаттар жиынтығы аясында мерекелік іс-шарада мектеп директоры Ияукулов Ержігіт Серғұлұлы құттықтау сөзінде  оқушыларға оқуда алда болып, еңселі еліміздің ертеңі сендердің қолдарыңда! Қазақстанды биікке жетелеңіздер, жеткізіңіздер,  Еліміздің Көкбайрағын бейбіт аспан астында желбіретіп, әлемге таныта беруге сенім білдірді. Жаңа ғасырда қайта түлеген, жасарып түрленген еліміздің тәуелсіздігі тұғырлы болғай!